Þann 21.nóvember 2023 síðastliðin var haldin hátíðleg sveinsbréfaafhending á
Hotel Nordica á vegum Iðunnar. Félag íslenskra snyrtifræðinga hefur vanalega
verið með sínar eigin sveinsbréfaafhendingar en tóku þátt núna í fyrsta sinn.
Þetta var glæsilegur hópur af 103 nýsveinum úr átta greinum sem fengu afhend
sveinsbréfin sín.
Alls útskrifuðust nýsveinar úr átta greinum, en þær eru:
Ljósmyndun
Prentsmíð-grafísk miðlun
Hársnyrtiiðn
Snyrtifræði
Bifvélavirkjun
Veggfóðrun- og dúklögn
Rennismíði
Vélvirkjun
Nýsveinar fengu gjafabréf frá Iðunni auk þess voru nokkur fyrirtæki, fag- og
meistarafélög sem gáfu gjafir til nýsveina í sinni grein. Þá voru veitt verðlaun fyrir
hæstu einkunnir á sveinsprófi í hverri grein.
Um 300 gestir mættu á Nordica til að samfagna með nýsveinunum og var
athöfnin hin glæsilegasta ásamt ljúffengum veitingum. Tónlistarmennirnir
Sæmundur Rögnvaldsson sem söng og lék á trompet, Þorgrímur Þorsteinsson á
gítar og Örn Ýmir Arason á kontrabassa fluttu ljúfa tóna.
Við óskum nýsveinum í snyrtifræði sem og öllum nýsveinum innilega til hamingju
með áfangann og bjóðum þá velkomna í hóp fagfólks í iðnaði.
Hægt er að sjá fleiri myndir frá viðburðinum á heimasíðu FIT.
#faglegoglögleg